Нататнік "Супакойся і любі далей"... =)

Прывітанне!... =) Я нарэшце пачала выходзіць са святочнага стану.... і зразумела, як даўно я не з'яўлялася ў сваім блогу і ў сацыяльных сетках увогулле... =)

А што... я зараз у працоўным адпачынку... Магу сябе дазволіць... =)

І акрамя таго, першыя дні новага году я займалася пераасэнсаваннем свайго жыцця, планаваннем будучага году... не магу сказаць, што ўжо завяршыла працэс... але некаторыя моманты ўжо сталі на свае месцы... =)

І таму вырашыла ... час вяртацца... =) З новымі думкамі... мэтамі... ідэямі... =)

 

Але пост не пра гэта... Я зайшла паказаць вам невялікі (памерам А6) нататнік, які стаў падарункам для сястры... =) Блок для яго я зрабіла яшчэ, здаецца, летам... Ды ўсё рукі да яго не дабіраліся... =)

 

Выканала яго ў летніх сакавітых адценнях... Вокладка абцягнута 100% бавоўнай у салатавую клетку, для аздаблення абрала паперу і карткі з калекцыі "Summer Love" ад ТМ "Каралікі"... =)

Зачыняецца нататнік на эластычны жгут (мацуецца ён люверсамі)... =)

Сам блок зроблены з звычайнай белай паперы для прынтара. Але некаторыя старонкі аздоблены кампазіцыямі адбіткаў штампамі: лавандавая кветка, фонавы тэкст і расколіны ружовых адценняў... =) На фарзацах шматсэнсоўныя шклянкі: збірай у іх успаміны, ідэі, уражанні... =)

 

 

 

 

 

 

 

Адбітак тэкставага штампа ніяк не жадаў фатаграфавацца... =)

 

 

 

І некалькі фота з яго сябрам-братам, кававым нататнікам (яго дакладна паказвала раней)... =)

 

 

 

Пакажу яго з заданні "Нататнікі" Яраслаўскага скрап клуба... =)

 

Калі ўзніклі пытанні, пішыце ў каментарыях - з радасцю адкажу... =) Дзякую, што зазірнулі!... =) Да сустрэчы!... =)