СП "Крафтавы перапалох", 5 этап - вокладка... =)

Прывітанне... =) Вось і падыходзіць да заканчэння СП "Крафтавы перапалох"... Незаўважна прайшоў час і я да вас з гатовым міні-альбомам... =) Памеры мініка 15,5*15,5 см... у таўшчыню 5 см... =) Вокладка мяккая, пракладзена вацінам, абцягнута тканым вязаным палатном (перад працай апрацавана крухмалам для трываласці).... Упрыгожванні простыя, кавалкі дызайнерскай паперы, картка з аленем і вялікі шэры гузік з каляровым шнурам (нібы шалік)... =) Вугалкі апрацаваны металічнымі элементамі таксама для павышэння трываласці альбома... Зачыняецца на эластычны жгут... =) Альбом атрымаўся невялікі, але пухленькі... Строгі, мужчынскі і пяшчотны, дамашні адначасова... Таму што ўпэўненна: нават самы суровы, брутальны мужчына ў асяродзі каханых, родных і блізкіх становіцца дамашнім і ўтульным... =)

  

 

 

 

 

 

 

 

 

 

 

Больш падрабязна разгледзіць усе развароты можна прагуляўшыся па майму блогу з дапамогай ярлыка "СП "Крафтавы перапалох""... =)

Было вельмі цікава, рабіць гэты альбом... =) Вынікам цалкам задаволена... =) Шчыра дзякую блогу "Даступны скрап" за натхненне і магчымасць паўдзельнічаць у такім нетрывіальным праекце... =)

 

Дзякую, што зазірнулі... =) Да хуткай сустрэчы... =)

СП "Крафтавы перапалох" 4 этап

І зноў у апошні момант ... =) 4 разварот мініальбома, які раблю з СП "Крафтавы перапалох"... =) На гэтым этапе выкарыстала ўсе АЭ: рамка, чыпборд, кветка, канверт... =)

Кветкі зроблены ўласнаручна з ільняного шпагату... Канверт таемны - вельмі люблю сакрэты, раскрывашкі і хованкі ў альбомах (мяркую вы ўжо пра гэта здагадался)... =) Чыпборд і рамка: два ў адны... Рамка-негатыў ад чыпборду "Фотаапарат" і рамка ад стрэлкі - пакрыты чорнымі чарніламі і празрыстай пудрай для эмбосінгу... =)

Запрашаю разгледзіць фота... =)

 

 

 

 

 

 

 

 

 

 

Чакаю наступны этап... =) Да сустрэчы!... =)

СП "Крафтавы перапалох" 3 этап...

Прывітанне... =) Заскокваю ў апошні вагон...

Чарговы, 3 этап СП "Крафтавы перапалох"... Працягваю свой міні-альбом ... АЭ 3 этапа: тэг, пырскі, брадс... Гэты разварот у чымсьці прасцейшы, а недзе больш складаны, чым першыя два... =) Здольны змясціць больш за 12 фотаздымкаў....

На левай старонцы адкідныя ўверх і ўніз клапаны (зачыняюцца на магніты)... Пад клапанамі кішэня з тэгамі для фота... На кармане сабрана кампазіцыя з фрагментам комікса пра супергероя... Дапаўняюць малюнак комікса стрэлкі, што трымаюцца на брадсах (паказваюць накірунак ракеты)... На правай старонцы канверт + раскідушка на 6 фота... Закрываюцца на ільняны шпагат... =) пад канвертам карман, дзе хаваецца яшчэ адзін тэг... А на канверце яшчэ адзін элемент комікса ... =) Фонавыя штампы, пырскі чорным медыўмам і дотсы аб'ядноўваюць гэты разварот з мінулымі... =)

І зараз запрашаю разгледзіць апісанныя дэталі

 

  

 

 

 

 

 

 

 

 

 

 

 

Дзякую за ўвагу... Да хуткай сустрэчы... =)

СП "Крафтавы перапалох", 2 этап...

Прывітанне... =) А я працягваю ўдзел у СП "Крафтавы перапалох" ад блога "Даступны скрап"... На 2 этапе я выкарыстала ўсе прапанаваныя АЭ: фотаплёнка, вырубка (непасрэдна фотаплёна і галінкі тміну), гузік, шнур (дакладна, ільняны шпагат)...

 

 

На першай старонцы раскідушка на тры фота 7*10 см. Трымаецца на неадымавых магнітах... Са шпагату ў якасці ўпрыгожвання скруціла дэкаратыўны вузел...

 

 

На другой старонцы на шпагат і прышчэпку зачыняецца раскладная канструкцыя: крафтавы канверт і раскідушка-гармонік на 10 фота памерамі 7*10 см.

 

 

 

 

 

 

 

 

 

 

 

У развароце выкарыстоўвала паперу ад ТМ "Каралікі" з калекцыі "Hipster" і непасрэдна крафт паперу. Аб'яднаць усе элементы дапамаглі фонавыя штампы і пырскі чорным медыўмам... =)

 

 

На гэтым я развітваюся з вамі... =) Вось банер праекта...

P.s. Цікава, якія ўмовы наступнага этапу? ... =) Да пабачэння... =)



 

СП "Крафтавы перапалох" ад блога Даступны скрап

Прывітанне .... Літаральна ў апошні момант вырашыла ўсё ж такі ўдзельнічаць у сумесным праекце "Крафтавы перапалох" ад блога Даступны скрап... Сёння апошні дзень першага этапа... =) Падчас СП мы будзем рабіць мініальбомы... і ў іх будзе шмат крафту (магчыма вы і самі здагадаліся з назвы праекта)... =)

Мой альбом будзе памерамі прыкладна 15*15 см. (старонкі 14*14,5 см.)... Я вырашыла і тут пусціцца ў эксперыменты - буду рабіць мужчынскі альбом (ніколі на рабіла яшчэ альбомы для мужчын), акрамя таго буду выпрабоўваць розныя прыёмы, міксаваць розную паперу (розных калекцый і вытворцаў), рабіць упрыгожванні ўласнаручна і г.д.... А таксама з дапамогай гэтага СП паспрабую разабраць свае скрап скарбы (з тых, што ўжо доўгі час не выкарыстоўваю)... Паглядзім, што атрымаецца... =)

Ну і запрашаю пагледзіць першы разварот. Выкарыстоўвала паперу ад ТМ "Каралікі" з калекцый "Hipster", ''Supergirl'', а таксама паперу з калекцыі "Падарожжа" ад Fleur desing, крафт рознай шчыльнасці, паперу тіш'ю і акварэльную паперу...

 

 

На гэтым этапе я абрала наступныя АЭ: канверт/сакрэт, фішка, штампы.  Штампы выкарыстала наступныя: фонавы (рукапісны тэскт), стрэлкі і самалёт з маршрутам руху...

 

 

 

Канверт знаходзіцца на другой старонцы, зачыняецца на анкер-стрэлку...

 

 

 

 

 

На першай старонцы таксама ёсць сакрэт... ;) Здагадаецеся, дзе ён?

 

 

За асноўнай кампазіцыях хаваецца кніжка для размяшчэння фотаздымкаў памерамі 7*10 см. на 5 фота. Зачыняецца кніжка на магнітную зашпільку (выкарыстоўваю такі спосаб упершыню)... =) Пад кніжкай схаваны невялікі расказ пра Парфенон у Афінах, а самалёт накіроўваецца непасрэдна ў Грэцыю... =)

 

 

 

 

На гэтай старонцы таксама знайшла месца і скрап-фішка (гадзіннік нагадвае, што зараз самы час рабіць мары сваёй рэчаіснасцю)... Побач з фішкай крафтавы тэг з ільняным шпагатам і кветка, зробленая з таго самага шпагату... =)

 

 

 

 

 

Напрыканцы заставалася дадаць некалькі чорных і аранжавых дотсаў і пырскаў чорным акрылам - і разварот быў зроблены... =)

Чакаю ўмоў 2 этапа, надта хочацца працягваць... =)

Але пакуль на гэтым буду з вамі развітвацца... Да хуткай сустрэчы!!!... =)

P.s. Банэр праекта ... ;)