Русцік .. працягваю эксперыменты... =)

Прывітанне... =) Зайшла расказаць вам пра яшчэ адзін свой эксперымент... =) Вырашыла паспрабаваць зрабіць паштоўку ў стылі Русцік... =)

 

 

Зрабіла паштоўку на аснове крафт паперы, выкарыстала невялікія абрэзкі ільняной тканіны двух адценняў, гафрыраваны кардон, негатыў ад чыпборду Майстэрні "Вензелік" галінкі, ліст са старой кнігі... Надпіс "З днём нараджэння", кветкі зробленныя ўласнаручна з ільнянога шпагату, пырскі чорным і белым акрылам і дотсы... Запрашаю разгледзіць яе з розных бакоў... =)  

 

 

 

 

 

 

Яшчэ раз анфас... =)

 



 

І не магу не расказаць, што ж стала натхненнем... Стыль задалі дзяўчаты-феі з Яраслаўскага скрап клуба і іх заданне вандроўка ... Пабачыўшы ваша заданне, прачытаўшы пра гэты стыль я падумала: "А чаму не?"... Спадзяюся, ў мяне атрымалася вытрымаць у працы неабходныя рысы... =)

Стварыць кампазіцыю мне дапамог скетч ад Творчага клуба "Пасядзелкі за скрапам"... =)

 



 

Загаловак паштоўкі прапанаваны заданнем ад блога "Даступны скрап" (хаця я звычайна не раблю загалоўкаў непасрэдна звязаных са святам)... =) 

 

 

Выбар некаторых выкарыстаных матэрыялаў прадыктаваны заданнем ад Майстэрні "Вензелік"... АЭ: тканіна + чып... Мне вельмі пабадаецца ў чыпе ад Вензелік, што ёсць негатывы... Іх вельмі цікава і зручна выкарытоўваць ці ў якасці фону, ці ў якасці асноўнага элемента... =)

 

Ну і апошні мой натхніцель... Хто чытае мой блог - ведае... Я займаюся разхламленнем сваіх скрапскарбаў... І гэтае заданне выступае матыватарам - "Я яго зляпіла... "

 

Ну вось на сёння і ўсё... =) Спадзяюся на вашы водгукі і ўражанні ў каментарыях - надта хочацца ведаць, ці атрымаўся ў мяне русцік... =) Дзякую за ўвагу... Да пабачэння!

АТС "Кававая вясна"...

Прывітанне... =) Нарэшце ў нас пачалася сонечная цёплая вясна... =) І менавіта сёння, такім светлым ранкам з'явілася жаданне паказаць вам вынік майго чарговага эксперымента... =) Серыя АТС "Кававая вясна"... =) Назва невыпадковая: фоны зроблены з дапамогай кавы (была ў мяне ўжо падобная спроба), а галоўнае ўпрыгожванне  - кветкі, вязаныя ўласнаручна... =)

Дарэчы галінкі з тычынак і ўпрыгожванні з халоднага фарфору таксама зроблены мной самастойна (выкарыстоўвала формы Арт-Прасвет). Акрамя названага выкарыстала карункі (часткова таніраваныя кавай), тычынкі, вырубныя галінкі, вадкія празрыстыя дропсы ад Фабрыка Дэкору, гузікі, мікрабісер... Фон ускладніла фонавымі штампамі... па выпуклых месцах і па фарфоравых элементах прайшлася залатой пацінай =)

І бліжэй паглядзім кожную... =)

№1: У лавандавых адценнях... (пакуль вольная) =)

№2: Сонечны настрой (пакуль вольная)... =)

№3: Вясновае неба...

№4: Вяртанне дадому...

Гэтыя карткі мне нагадваюць асаблівыя моманты, калі прыязджаеш на лецішча ці ў вёску, вечерам (ці раніцаю) робіш сабе кубачак кавы, выходзіш на ганак, а вакол прырода, птушкі лётаюць, стракочуць, лісце на дрэвах шапаціць, крыху гойдаюцца галінкі... І з'яўляецца неверагоднае і надта прыемнае пачуццё спакою... Я ДОМА... =)

Менавіта такі настрой мне нагадвае і заданне ад WoodChic... А галінкі на іх дошцы натхнення - не ўтрымалася і зрабіла падобныя сама... =)  

Вясна не адчуваецца без кветак... Таму на ўсіх картках яны прысутнічаюць... З гэтай нагоды зазірну ў блог TempoLibero... 

Жоўты і лавандавы колеры абраны невыпадкова - на іх натхнілі наступныя заданні:

Саратаўскі скрап клуб і іх Ваабражарыўм... =)

 І Кіеўскі скрап клуб і іх "Рамантычны настрой"...

Вось такая ў мяне атрымоўваецца вясна... =) А як вы яе сустракаеце?

І яшчэ... =) Калі ў кога з'явілася жаданне памяняцца АТС: жоўтая (№1) і лавандавая (№2) вольныя... =) Пішыце, буду рада!... =)

На гэтым пакуль... Да пабачэння... =)

Сонечны вясновы ТЭГ... і мае нечаканыя радасці... =)

Прывітанне... =) Выйшла з адпачынку на працу, і займацца творчасцю стала значна менш часу... =) Але я сёння да вас не з пустымі рукамі... Пакажу вам сонечны вясновы тэг... =)

 

І да яго невялікая гісторыя... =) Аднойчы я пісала пра тое, што вырашыла нічога не купляць для творчасці... і так складваць няма куды... =) І самае цікавае, што з таго часу мне стала больш шчасціць у разыгрышах прызоў па выніках заданняў... =) Адзін з такіх выігрышаў здарыўся амаль дзень у дзень з маім абяцаннем сябе: я выігрыла зніжку ў 30% на чыпборд майстэрні "Вензелік"... =) Доўга думала, і ўсё ж вырашыла скарыстацца гэтай магчымасцю... =) Вельмі мне спадабаліся дызайны гэтага чыпу... Вось некаторыя з тых, што я набыла:

 

 

 

Пры рабоце над сонечным вясновым тэгам я выкарыстоўвала чып ад "Вензелік"... =) Заўважылі гэтыя далікатныя галінкі? =)

 

 

Зроблен тэг на аснове з пераплётнага кардону: апрацавала белым грунтам, зрабіла фон фарбамі-спрэямі ад ФД (спрэй-металік "Ізумруд з золатам", спрэй-хамелеон "Раса ў траве", аква-спрэй "Сонечная раніца"), для рэльефу выкарыстала ўпаковачны гафрыраваны крафтавы кардон, пакрыты белым акрылам... Каляровыя кроплі і разводы нанесла фарбамі-алкаголікамі ад ТМ "Каралікі" (honey, turquoise-green). Для ўскладнення фону выкарыстала марлю (фарбавала спрэямі)... Асноўны элемент кампазіцыі - кветка, зробленая ўласнаручна (фарбавана спрэем "Сонечная раніца")... Дапаўняюць кампазіцыю дзве кветкі меншага памеру (таксама зроблены ўласнаручна), карункавая вырубка, чыпборд ад "Вензелік" (дзве галінкі, адну фарбавала фарбамі-алкаголікамі), тычынкі, каляровыя вадкія досты і празрыстыя дропсы... і, вядома, люверс і шэббі-стужка... =)

Больш падрабязна дэталькі з розных бакоў....

 

 

 

 

 

Вось такі атрымаўся вясновы настрой... =) А натхнілі мяне на гэтую працу наступныя заданні:

 

1. Яркія фарбы палітры ад Scrapmate... Асноўнымі колерамі выбрала жоўты, зялёны і аранжавы... =)

 2. Кветкава-вясновае натхненне, першая вясновая капель... Настрой ад "Скрапнутых" ... =)  

 

3. І дзякуючы заданню "Аленький цветочек" ад ScrapMan, асноўным элементам кампазіцыі стала кветка... =)

 

 

І на прыканцы хацелася сказаць, што мне вельмі спадабалася працаваць з чыпбордам Майстэрня "Вензелік"... Таму паўдзельнічаю ў розыгрышы чыпу новага рэлізу... =)

 

 На гэтым пакуль усё... =) Веснавога вам настрою!!!... =) Да хуткай сустрэчы... =)

 



Пяшчота і каханне... =)

Вітаю вас... =)

Апошні час адчуваю жыццёвую неабходнасць у прыемных пачуццях, цёплых, дужых абдымках, ціхіх сямейных радасцях... =) Больш, чым раней, лашчуся да каханага і ён адказвае ўзаемнасцю... Магчыма менавіта таму апошнія мае працы выкананы ў пяшчотных ружова-бэзавых адцення і пранікнуты светлымі пачуццямі... =)

Вось і новая паштоўка, якую я зайшла вам паказаць менавіта такая: ружова-бэзавая, лёгкая, пяшчотная... Пра каханне... =)

Фон паштоўкі зроблен з дапамогай акварэльных фарбаў, штампінга... Акрамя таго праз трафарэт празрыстым мадэлюючым гелем нанесла маленькія сэрцайкі... =) Ускладніла фон абрэзкамі тканіны, дызайнерскай паперы, карункамі і шыццём. Каб дадаць паветранасці ў слаях выкарыстоўвала кальку, вырубную карункавую кветку... Некаторыя слаі прыпадняты на пераплётны кардон =) Аб'ёмныя галінкі (рабіла ўласнаручна) і дотсы выкарыстоўвала для акцэнтаў... =)

Асноўны элемент паштоўкі - сэрца з надпісам "Love" - чыпборд ТМ "Каралікі"... Выкарыстала яго не апрацаваным, зрабіла падклад з вырубнога карункавага квадрата... =) Трошкі фота дэталек... =)  

Кампазіцыя паштоўкі склалася па скетчу Маскоўскага скрап-клуба...  

Зазірну яшчэ ў некалькі блогаў:

2. Заданне "Карункавая казка" ад Artistic Line... АЭ: чыпборд і карункі... =)

3. Арт-Кафэ: заданне "Сярдэчнае"... Не менш за 5 сэрцаў на працы... На маёй паштоўцы адно вялікае (чып) і шмат маленькіх празрыстых, але аб'ёмных на фоне (нанесены праз трафарэт празрысты мадэлюючы гель)... Ці залічана?

4. Арт-кладовая і іх рубрыка "Кладзезь ідэй"... =) АЭ: чыпборд і штампінг... Выкарыстоўвала для стварэння фону штам "Пісьмо" ад Decola...

5. Tempo Libero: Заданне рэцэпт "Штампы/пудры + абрэзкі"... =) Вельмі падабаюцца такія заданні... =) Неабходнасць скарыстаць тое, што застаецца ад вялікіх праектаў і рука не падымаецца выкідаць... Працягваю наводзіць парадак у сваіх запасах... =)

6. І зазірну ў Галерэю месяца ў Каралікі... Пачаўся люты... Пачынаецца новы адлік... =)

Вось такія навіны на ноч гледзячы... =) Удзячна, што дачыталі да сканчэння... Буду вельмі рада ўбачыць вашы ўражанні пра паштоўку ў каментарыях... =) Да пабачэння... =)