Паштоўка пра жаночыя мары... =)

Прывітанне... =) Ізноў на ноч гледзячы зайшла расказаць пра новую паштоўку (пра якую казала ўчора)... =) Атрымалася яна жаночай (ці дзяўчачай)... А пачалася яна з таго, што я зноў пачала разбіраць свае скрап-запасы і знайшла вось такія вырубныя кветкі... Іх я рабіла яшчэ ў самыя першыя тыдні, як пачала цікавіцца скрапбукінгам... А дакладней, калі мы з калегай набылі свае першыя дыраколы і абменьваліся імі, каб нарубіць кветак... Зроблены яны ў мяне былі з самага таннага дзіцячага гофра кардону... і я было ўжо вырашыла іх выкінуць... але галаву падняў мой хамяк і сказаў: "усё ў працу... усё знойдзе сваё месца"... =)

 

 

У выніку, я гэтыя кветкі наклеіла на аснову, замазала белым медыумам, пафарбавала сухімі фарбамі ад Фабрыкі Дэкору (колеры "Ярко-голубой", "Розовый"), нанесла паціну (срэбная, ружовая, бэзавая), дзе-нідзе абвяла па контуры чорным лінэрам, фонавы штамп "рукапісны тэкст), фонавы эмбосінг ружовай пудрай з бляскам, мікрабісер (срэбны і ружовы), пайеткі, пырскі белым медыумам... Асобнае месца займае святочная сукенка на вешалцы (чыпборд ад ТМ "Каралікі" пакрыты ружовай з бляскам пудрай для эмбосінгу ад ФД) і надпіс "Не забывайся пасміхацца"... =)  

Падрыхтуйцеся, будзе шмат фота з розных ракурсаў... =)

 

 

 

 

 

 

 

 

 

 

 

З гэтай паштоўкай прымаю ўдзел у СП "На ўсё выпадкі жыцця" ад блога ArtisticLine... =) На першым этапе неабходна было зрабіць жаночую паштоўку. АЭ: чыпборд.

 

 

Акрамя таго, зазірну ў Першы беларускі ў заданне "Асалода"... Пабачыўшы гэтыя святочныя сукенкі, вырашыла менавіта іх (адну з іх) прадставіць у сваёй працы... Якая б дзяўчынка хлапчуковая не была, аднойчы яна знойдзе сваю святочную сукенку, якую не зможа абысці стараной... =) Апране яе і атрымае сапраўдную асалоду... =)

 Неверагоднае заданне ў блогу "Candy Floss" і іх дошка натхнення... Але меня больш натхнілі прапанаваныя АЭ (я абрала 3): эмбосінг, фарбы, вырубкі.

І зазірну ў галерэю месяца "Каралікі".... Ваш чыпборд сапраўды галоўная дзеючая асоба ў гэтай паштоўцы... =)

 

Удзячна ўсім, хто зазірнуў. Спадзяюся збольшага вы зразумелі тэкст... =) Буду вельмі рада прачытаць пра вашы ўражанні - вашы водгукі і адзнакі дапамагаюць мне ўдасканаліць накірунак майго развіцця ў скрап жыцці... =) Загадзя дзякую... =)