Міні-альбом "Наш малыш"... =)

Прывітанне... =)

А ці заўважалі вы калі-небудзь, колькі можна зрабіць, калі знянацку з'явілася 5-10-15 хвілін вольнага часу? Вядома, можна гэты час проста прасядзець у сацыяльных сетках, стужках навін... і нават яго не заўважыць... Але калі у гэты вольны час пачаць рабіць што-небудзь, не заўважыш, як зробіш добрыя, значныя крокі на шляху да мэты... 

А ў маім выпадку, ўчора, пакуль запланаванае на дзень адкладалася і прымушала сябе чакаць, я невялікімі крокамі дарабіла некалькі рукадзельных праектаў з катэгорыі "Недадзелы" і стала яшчэ бліжэй да мэты падцягнуць усе хвасты... =) 

І зараз пакажу вам адзін з самых значных дадзеланых учора праектаў - міні альбом для хлопчыка "Наш малыш"... =) Пачат быў мо гады паўтары-два таму... І відаць чакаў, пакуль у мяне з'явіцца машынка для вырубкі і вызначаные нажы.... =) 

Памеры альбома 16*16 см ( па вокладцы)... Вокладка абцягнута бавоўнай, камбініравана. Упрыгожана шыццём, карункамі, дэкаратыўнай стужкай, вырубкай і брадсамі. Назва - чыпборд, пакрыты выдкімі дотсамі ад Фабрыка Дэкору. Зачыняецца на дуэт стужак (атласная і з арганзы). 

Простая спінка альбома... =)

У альбоме 4 разварота. Галоўным натхніцелем на стварэнне ў свой час стаў набор паперы "Крошка-сынок" ад Mr.Painter (памерамі 15*15 см.). Дарэчы менавіта такога памера старонкі ў альбоме... =) Але альбом складаўся з фонавых лістоў (12 шт) і ўсё... ні выразалак, ні дадатковых упрыгожванныў... У выніку вокладку альбома я таксама пусціла ў справу (зусім маленькія палоскі з прынтом, невялікія выразалкі з галоўнымі героямі фонавых лістоў)... 

Восемь лістоў адабрала на старонкі, з астатніх чатырох зрабіла канверты на кожны разварот альбома... =) А ў якасці ўпрыгожванняў для альбома выкарыстоўвала тэматычны чыпборд (у натуральным віглядзе і пакрыты вадкімі дотсамі ад ФД), фігуркі з фарфору, карункі і пражу з бубачкамі, падораную калісьці плотарную вырубку, выразалкі з іншых калекцый, вугалкі для фота...  

Адкрывашкі для фота і канверты мацуюцца на акрылавыя празрыстыя анкеры і брадсы... У канверты можна схаваць дадатковыя фота і памятныя рэчы малога... =) На кожнай старонцы прадугледжана месца мінімум для 3-х фота 6,5*9,5 см. 

Другі разварот "Матуліна радасць" =) Наконт упрыгожванняў - рэцэпт той жа... Толькі ў якасці акцэнтаў дадаюцца досты (ад ФД)... =)

Наступны разварот "Бацькаў гонар"... =) Чыпборд назва і паравозік (пафарбаваны дотсамі ад ФД)... На левай старонцы дадатковы тэг для нататак... =) 

І апошні 4-ты разварот змяшчае кішэню на левай старонцы... У ёй чатыры карткі-тэга для размяшчэння фота 10*15 см, і дадатковыя вугалкі для фота... На правай старонцы ізноў канверт і разкрывашка для фота ... 

Вось дарэчы і ўвесь альбом... =) Я вельмі рада, што нарэшце я яго дарабіла... =) Спадзяюся ён хутка знойдзе дом... =) 

А тым часам пакажу яго ў некалькіх заданнях: 

1. Дошка натхнення ад Першага беларускага... Менавіта пабачыўшы вашу дошку натхнення (а дакладней дзве ніжнія карцінкі) зноў успомніла пра гэты свой недадзел і натхнілася яго дарабіць... Натхніла каляровая гама, стужка з лістамі, леккасці і паветранасць гэтых фота-кадраў... =) 

2. Заданне "Энікі-бэнікі" ад скрап-клуба Екацерынбурга... Неабходна было зрабіць дзіцячую працу... =) 

3. І зазірну ў блог "Mini album makers challenge" ... Кожны раз уражваюць працы дызайн каманды... =) 

І на прыканцы хацела запытаць: а ў вас ёсць недадзеланыя праекты? Як вы з імі змагаецеся? Буду рада пачытаць... =) Бо ў мяне гэта своеасаблівы квэст: адзін дараблю - два новых пачну... =) 

І на гэтым буду развітвацца... =) Да сустрэчы!... =)